నువు చేసిన గాయం!

నింగిలో జాబిల్లివై నిదురపుచ్చుతావనుకున్నా..
నిదురించు వేళ కలవై కలవరపెడుతున్నావు.

చక్కని నెచ్చెలినీవై యెదలో సేద తీరుతావనుకున్నా..
మదిలో గుబులురేపి కనుమరుగైపోతున్నావు.

విహరించే వీచిక నీవై విశ్రమింపజేస్తావనుకున్నా..
ఊహాలు ఇక చాలంటూ నిష్క్రమిస్తానంటున్నావు.

వెన్నెల్లో వేగుచుక్కవై దారిచూపుతావనుకున్నా..
వేకువ వచ్చేస్తోందంటూ నిశీధిలో నీడవైపోతున్నావు.

మబ్బుల్లో నీజతగా తేలియాడుదామనుకున్నా..
కరిగే మేఘం నీవై కన్నీటి వర్షం కురిపిస్తున్నావు.


✍️సంచారి..