'కూలీ'న బ్రతుకులు..

పగుల్లిచ్చిన వీరి పాదాలు

నలిగిపోతున్న నా దేశ చరితకు ఆనవాళ్లు

నెర్రెలిచ్చిన వీరి అడుగులు

నా దేశ ప్రగతిపై నిలిచిన నెత్తుటి మరకలు..

వందల మైళ్ళ వీరి ప్రయాణం

వేల ఏళ్ళ జీవన వికాసానికి వినాశనం..

నిరాశ నిస్పృహల వీరి జీవనం

నిష్క్రమిస్తున్న ఈ దేశ పరిపుష్టికి నిదర్శనం..

కూలిపోతున్న వీరి బ్రతుకులు

'కూలీ' పోతున్న నా దేశ అభివృద్ధికి తార్కాణాలు..

✍️సంచారి..