రైతు వ్యథ!

హోరున గాలి జోరుగా వాన

పంటల కుప్పలు కల్లం లోన..

మెరిసే మెరుపులు కురిసే చినుకులు

రైతన్న కంట రక్త కన్నీళ్లు..

హలాల పట్టి పొలాల దున్ని

కుప్పలు కుప్పలు పంటలు తెచ్చినా

పండిన పంటకు పైసలు రాలే

కల్లం మాత్రం వరదతో నిండే..

ఆరుగాలం పడిన కష్టం

అందరూ కలిసి చేసిన కష్టం

అయింది నేడు రావణ కాష్టం..

డొక్క చిక్కిన బక్క రైతు

బుక్క తినక బిక్కచచ్చే

చెడగొట్టు వాన రానే వచ్చే

కండ్లముందే పంటను ముంచే..

✍️సంచారి..