నా నువ్వు

రెప్ప వాల్చు వేళ కలత నిద్రవు నీవు 
కనులు తెరచు వేళ కమ్మని కలవైనావు
కనులు మూసి నీ తలపులు ఆపలేను!
కనులు తెరచి నా కలను మరవలేను!!

నిన్న మొన్నటి వరకు స్వర్గమే తెలుసు 
నిన్ను కలిసింది మొదలు నరకమే నాకు.. 
వదిలి ఉండలేను... దరిచేరనూ లేను! 
ముద్దు ముచ్చటకైనా నోచుకోనే లేను!!

ప్రొద్దు పొడిచిన మొదలు ప్రొద్దస్తమానం 
గుబులు పుట్టెను గుండె గడియకోమారు 
చెలియ క్షేమము కోరి దిగులు చెందిన మనసు 
తన స్వరము వినగానే కుదుటపడును

మాటలాడు వేళ మంత్రమేదో వేసి
మనసు దోచుకున్న మగువ నీవు 
అలసిసొలసిన నాకు ఆదరవైనావు 
సేద తీర చెలిమి చేసినావు


✍️సంచారి..